قرارك ببدء علاج ادمان الكريستال ميث هو ده نقطة التحول الحقيقية في حياتك. الموضوع أكبر من مجرد إنك “تبطل مخدر”، دي عملية إنقاذ بتخرجك من دوامة الاكتئاب، التعب الجسدي، العنف، والهلاوس اللي عايش فيها، وبترجعك لبر الأمان وحياة طبيعية ومستقرة خالية من المخدرات.
القصص الواقعية دايماً بتدينا أمل، وزي ما احد المتعافيات قالت وهي بتوصف رحلتها: “حياتي اتغيرت 180 درجة من ساعة ما بدأت علاج إدمان الكريستال ميث.. بعد ما كان الإدمان مبهدلني وكنت هخسر شغلي وعقلي، قررت ألحق نفسي وأتغير قبل ما المخدر يقضي عليا. لو بتدور على التغيير ده، فأنت دلوقت على اول طريق الصح. في الدليل ده والسطور القادمه، هنعرفك كل حاجة عن الكريستال ميث، وإيه هي الخطوات الطبية الصح عشان تتعالج منه وتتعافى نهائياً.
ما هو الكريستال ميث؟ ما هي مادة الكريستال؟
الكريستال ميث (أو “الآيس” زي ما بيسموه) هو مخدر كيميائي منشط مشتق من مادة “الميثامفيتامين“. شكله بيكون عبارة عن بلورات أو شظايا تشبه “الإزاز المكسر” أو الكريستال الشفاف.
المخدر ده بيشتغل على الجهاز العصبي وبيدي طاقة ونشاط عالي جداً وشعور بالنشوة. كتير بيستخدموه في البداية بهدف زيادة الرغبة الجنسية وإطالة المدة، لكن ده تأثير مؤقت وخادع؛ لأنه بسرعة جداً بيتحول لسبب رئيسي في العجز الجنسي ودمار الجهاز العصبي، وبيسبب أضرار نفسية خطيرة زي الاكتئاب والهلاوس، وعشان كدا التوقف عنه بيحتاج تدخل طبي فوراً لأن المريض مايقدرش يواجه الأعراض دي لوحده.
طرق تعاطي وشكل الكريستال ميث؟
تتنوع طرق تعاطي مخدر الايس المتداولة بين أوساط المدمنين، وأبرزها:
